O concelleiro do PP de Vigo Fernando G. Abeijón reprochou ao Goberno local que non tomase nota e “se estean repetindo os mesmos erros do ano pasado por Nadal“.

Nunha nota de prensa, preguntouse “ata cando van seguir pondo a proba a paciencia dos vigueses?” e cualificou de “estrepitoso fracaso” o Comité Especial de Nadal e o plan extraordinario de tráfico.

Con todo, asegura que as súas “reflexións nada teñen que ver coa celebración das festas do Nadal”, senón con “a falta de organización municipal”, con situacións “completamente previsibles como as deste fin de semana festivo en Portugal”.

Para Abeijón é “inconcibible” que despois da “mala experiencia” do pasado ano, non se tomaron medidas para evitar un “inferno de caos circulatorio”. Así, fíxose eco das queixas de varios veciños que ou ben “non tiñan forma de acceder aos seus garaxes do centro ou, para poder facelo, tiñan que dar unha volta enorme”.

Ademais, destacou a “imposibilidade manifestada por losservicios de emerxencia de responder a tempo ante unha eventual alerta osituación de urxencia”, debido “ao colapso nos accesos á cidade e as rúas do centro”.

“É imposible que as ambulancias e os bombeiros, que ademais seguen sen cubrir os efectivos mínimos, poden actuar en condicións normais e cumprir cos tempos establecidos”, sinalou.