A dirección da factoría viguesa do grupo automobilístico Stellantis comunicou ao persoal novas alteracións na actividade, con paradas que afectarán a un dos sistemas de produción pola falta de subministracións.

En concreto, a escaseza de pezas necesarias para a fabricación dos seus vehículos obrigará á compañía a parar o sistema 1, onde se ensamblan os Peugeot 2008 e 301 e o Citroën C-Elysée, durante a quenda de tarde e noite deste mércores.

Así mesmo, a dirección tamén decidiu deter a produción durante a quenda de mañá deste xoves, día 14, no mesmo sistema da planta olívica.

A produción na factoría viguesa xa estivo parada en varias quendas antes na últimas semana, e tamén houbo alteracións xusto despois do regreso do persoal do período vacacional.