Un incendio queimou durante a madrugada do sábado dúas casas de madeira contiguas situadas no concello pontevedrés de Soutomaior, onde un dos ocupantes das vivendas resultou ferido ao sufrir queimaduras nos pés e mans.

O suceso, segundo informou o CIAE 112 Galicia, produciuse ao redor das 03,00 horas da madrugada do sabádo no lugar de Lourido, que pertence á parroquia de Soutomaior.

Tras recibir a voz de alarma, os bombeiros mobilizáronse ao lugar para tratar de sufocar as chamas, que afectaban a dúas casas que compartían cuberta e polas que o lume se estendeu polos seus dous pisos.

A pesar dos esforzos dos profesionais de emerxencias, o lume calcinou case por completo os dous inmobles, dos que unicamente se salvou a cociña dunha das vivendas.

Ademais, os efectivos de Urxencias Sanitarias 061 atenderon a un dos ocupantes das vivendas, que sufriu queimaduras nos pés e nas mans.