InicioPolíticaO goberno sobre o pleno extraordinario polo patrocinio de Guns 'N Roses:...

O goberno sobre o pleno extraordinario polo patrocinio de Guns ‘N Roses: “Botabamos de menos a petición”

O socialista Carlos López Font, nunhas declaracións gravadas remitidas aos medios, lembrou que o BNG xa anunciou "hai dous meses" que pediría ese pleno. "Volvemos aos tempos en que PP e BNG ían da man", concluíu.

PUBLICADO O

O goberno municipal de Vigo referiuse este xoves á petición dos grupos da oposición para que se celebre un pleno extraordinario acerca das supostas irregularidades no patrocinio errado do concerto de Guns ‘N Roses, e expresou a súa sorpresa porque “tardasen tanto tempo” en reclamar esa sesión: “Botabamos de menos esa petición”.

Así o trasladou o portavoz do goberno local, o socialista Carlos López Font, nunhas declaracións gravadas remitidas aos medios, nas que lembrou que o BNG xa anunciou “hai dous meses” que pediría ese pleno. Por outra banda, tras a rolda de prensa do portavoz nacionalista, confirmando esa solicitude e as propostas a debate (reprobación do alcalde, creación dunha comisión de investigación e comparecencia da concelleira de Contratación), Carlos López Font proclamou que “chama a atención que o BNG non teña vergoña de ser a muleta do PP, apoiando mentiras e calumnias”. “Volvemos aos tempos en que PP e BNG ían da man”, concluíu.

Sen facer referencia ás acusacións de irregularidades no patrocinio do concerto, o portavoz do goberno municipal limitouse a constatar que “a quen reprobou duramente a cidade foi a eles”, cuns resultados electorais “que lles deberon facer dimitir”, e afeou a PP e BNG que “se esquecen de dicir que o Concello non pagou nin un céntimo de recursos públicos” por ese concerto (aínda que convocou un concurso para patrocinalo con case 2 millóns de euros, que finalmente foi declarado deserto).

ÚLTIMAS

Os equipos de emerxencias auxilian aos dous ocupantes dun turismo tras saírse da vía na AP-9, a altura da parroquia viguesa de Cabral

Os dous ocupantes dun turismo foron auxiliados polos equipos de emerxencia tras saírse da...

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...