InicioVigo e contornaVigoInvestigan a identidade dun home que apareceu flotando tras detectar un vehículo...

Investigan a identidade dun home que apareceu flotando tras detectar un vehículo parado co motor en marcha en Rande

PUBLICADO O

Varios medios foron mobilizados para localizar a un home na contorna da ponte de Rande, en Moaña. Equipos de emerxencias foron alertados da presenza dun vehículo parado na infraestrutura, nun dos carrís sentido Vigo, sen ninguén dentro, o que mobilizou varios medios.

Desta maneira, o 112, que recibiu o aviso pasadas as 4,30 horas, activou un dispositivo que incluíu Urxencias Sanitarias de Galicia-061, Salvamento Marítimo, a embarcación Salvamar Mirach; Gardacostas de Galicia, que participou co helicóptero de rescate Pesca I; os axentes da Garda Civil de Tráfico e da Garda Civil, que desprazaron ao momento unha lancha de rescate; a Policía Local de Moaña e os operarios de conservación da autoestrada.

Tras varias horas de procura, á primeira hora da mañá deste xoves outro alertador contactaba co 112 Galicia para informar de que observaba o corpo dun home flotando nas proximidades da ponte de Rande. Finalmente, os servizos de emerxencias procederon á recuperación do corpo e as forzas da orde investigan acerca da identidade da persoa e as causas do suceso.

ÚLTIMAS

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...

Outro accidente múltiple no túnel da Madroa causa retencións na AP-9 en Vigo

Un accidente múltiple rexistrado á primeira hora deste xoves na AP-9 causou importantes retencións no...