O Ministerio de Transportes, Mobilidade e Axenda Urbana aproba de forma provisional o proxecto de trazado da remodelación da intersección da estrada N-550, ao seu paso por Louredo, no municipio de Mos.

O departamento informa de que “proximamente” se someterá ao trámite de información pública, o que implica a publicación do anuncio no Boletín Oficial do Estado (BOE).

O orzamento base de licitación das obras estímao en unosn 580.000 euros. O obxecto do proxecto é a mellora da seguridade viaria da intersección non canalizada existente no punto quilométrico 148+650 da N-550, ao seu paso por Louredo, que conecta con núcleos existentes na marxe esquerda a través dun viario municipal.

A actuación proxectada traslada a intersección actual uns 270 metros cara ao sur, para mellorar as condicións de visibilidade e seguridade viaria, executando unha variante do viario secundario e dispondo unha nova intersección con cuñas de incorporación e saída, carrís centrais de almacenamento e espera e posibilidade de cambio de sentido.