InicioSociedadeComesaña resalta a capacidade formativa do centro Povisa, onde impartiu clase durante...

Comesaña resalta a capacidade formativa do centro Povisa, onde impartiu clase durante 18 anos

Sinalou que "un dos motivos polos que este centro é referente en Galicia ten que ver coa profesionalidade e excelencia dun importante grupo humano"

PUBLICADO O

O conselleiro de Sanidade, Julio García Comesaña, resaltou a capacidade formativa do centro de formació profesional Povisa, onde exerceu como docente durante 18 anos.

“Ao longo de 18 anos que impartín clase tería a oportunidade de formar preto de 350 alumnos e, nese tempo, puiden comprobar que un dos motivos polos que este centro é referente en Galicia ten que ver coa profesionalidade e excelencia dun importante grupo humano”, incidiu o titular de Sanidade, segundo recolle un comunicado.

García Comesaña participou este mércores no acto de titulación de técnicos superiores de Povisa, centro do que destacou a súa capacidade para formar profesionais sanitarios e achegarlles, ademais de coñecementos, os valores “éticos” que son “imprescindibles para desempeñar esta profesión”.

“A relación tan intensa que mantén o centro co hospital permite que os profesores sexan, na súa maioría, profesionais especialistas en cada unha das titulacións que se imparten e que as prácticas poidan realizarse no propio hospital”, engadiu o conselleiro, que felicitou aos alumnos pola titulación conseguida e aos profesionais polo seu traballo ao longo destes cursos.

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...