InicioPolíticaRegades pide un "cara a cara" con Ana Pastor para que explique...

Regades pide un “cara a cara” con Ana Pastor para que explique porque “abandonou a provincia”

O PSdeG na provincia de Pontevedr propón a celebración de dous debates electorais, entre os candidatos socialista e 'popular' ao Congreso nas eleccións do 23 de xullo.

PUBLICADO O

O secretario de Organización do PSdeG na provincia de Pontevedra, Luís Gómez Piña, dirixiu unha carta ao PP na que propón a celebración de dous debates electorais, entre os candidatos socialista e ‘popular’ ao Congreso nas eleccións do 23 de xullo, David Regades e Ana Pastor.

O PSdeG trasladou que os debates deben ser para “tratar exclusivamente sobre temas referentes á provincia de Pontevedra“, e sinalaron que este tipo de encontros “son sempre produtivos e poden contribuír a que as 950.000 persoas” que viven na provincia “poidan formarse unha idea clara das propostas” de cada partido.

Ademais, os socialistas trasladaron que estarían dispostos a outro debate entre todas as forzas con representación parlamentaria e que se presentan ás eleccións do 23 de xullo. En todo caso, apuntaron que aceptarán “calquera formato” que propoña o PP e os medios de comunicación ou foros públicos que se estimen oportunos, “co ánimo de non privar á cidadanía da necesaria confrontación de ideas sobre o futuro da provincia”.

“DEIXOU ABANDONADA A PROVINCIA E A CIDADE DE VIGO”

Pola súa banda, o candidato socialista, David Regades, nunhas declaracións remitidas aos medios, subliñaron que o PSdeG quere un ‘cara a cara‘ con Ana Pastor “para falar en clave de provincia e en clave de cidade de Vigo”. “Queremos saber por que deixou sen AVE a Vigo, deixando caducar o estudo de impacto ambiental; por que deixou Vigo sen saída sur; por que abandonou a cidade no problema da auga; e que opina de todas as infraestruturas que están en marcha e en xogo”, proclamou.

Regades lembrou que nos últimos comicios xerais Ana Pastor presentouse como candidata por Madrid, “porque abandonou a provincia e maltratou á cidade de Vigo”.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...