InicioPolíticaBNG esixe explicacións a Abel Caballero polo "fracaso" do patrocinio de Guns...

BNG esixe explicacións a Abel Caballero polo “fracaso” do patrocinio de Guns N Roses e Marea critica a licitación

Caballero denuncia ao "adscrito" a Marea de Vigo por absterse na votación para que "non haxa Marisquiño" en Vigo.

PUBLICADO O

O último pleno celebrado no Concello de Vigo antes da constitución da próxima corporación, saída das urnas o pasado 28 de maio, serviu para que BNG e Marea puxesen sobre a mesa a licitación, declarada deserta, dun patrocinio municipal por 1,5 millóns de euros e pedisen explicacións ao alcalde por esta tramitación.

A sesión plenaria foi convocada para dar a aprobación definitiva a unha modificación orzamentaria que permitirá destinar 1,8 millóns de euros adicionais ao festival O Marisquiño e aos concertos de verán en Castrelos.

Na súa intervención, o concelleiro en funcións do BNG, “adscrito por pouco tempo”, segundo apuntou, Xabier Pérez Igrexas, aproveitou para lanzar varias preguntas ao alcalde. “Cando pensa dar explicacións sobre o fracaso do patrocinio ao concerto de Guns N Roses, cuxa licitación quedou deserta a pesar de que as bases do concurso fixéronse ‘ad hoc’?”, cuestionou o edil nacionalista.

Pérez Igrexas tamén preguntou ao rexedor “que grupos van tocar” no festival de rock anunciado polo propio Abel Caballero, e que supostamente se ía a celebrar estes días como ‘aperitivo’ ao concerto da banda americana, que terá lugar o 12 de xuño no estadio Abanca Balaídos.

Na súa quenda, o portavoz en funcións de Marea de Vigo, Rubén Pérez Correa, tivo oportunidade de despedirse despois de que a súa candidatura quedou fóra do Concello tras os comicios, e proclamou que fora “unha honra” facer política no consistorio, á vez que anunciado que seguirá “facendo política” desde onde os colocou a cidadanía.

Con respecto á polémica pola licitación deserta do patrocinio para o concerto, Pérez Correa censurou que esa actuación, do mesmo xeito que as modificacións orzamentarias para concertos, teñen como finalidade “regar de diñeiro a medios”, e subliñou que o concursdo para ese patrocinio estivo “teledirigido”.

MODIFICACIÓN DE CRÉDITO

O Pleno aprobou, cos votos positivos do PSOE e a abstención de PP, Marea de Vigo e BNG, a modificación de crédito proposta polo goberno local, que foi defendida polo concelleiro de Facenda, Jaime Aneiros, como unha maneira de “facer máis economía de cidade e atraer a máis visitantes”.

Pola súa banda, o alcalde, Abel Caballero, non interveu no pleno pero, nunhas declaracións remitidas aos medios, aseverou que “Marea de Vigo e o non adscrito non queren que haxa Marisquiño, como non o quere a Xunta” porque se abstiveron na votación. “Queremos seguir facendo concertos en Castrelos, gratuítos para a cidade (…), e O Marisquiño sen este financiamento non podería facerse, sería o fin, porque a Xunta lle retirou o financiamento”, dixo.

ÚLTIMAS

(Vídeo) Dioivo rompe o escenario no seu novo videoclip: o metal galego en todo o seu esplendor

O dúo vigués de metal en galego Dioivo acaba de lanzar un novo videoclip para o seu...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo,...

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...