A Asociación Viguesa de Esclerose Múltiple (Avempo) organiza este xoves, día 8 de xuño, unha xornada informativa sobre esta enfermidade, que levará a cabo na Fundación Saes e que contará con profesionais de Neuroloxía do Hospital Álvaro Cunqueiro de Vigo, como a neuróloga Elena Álvarez, o enfermeiro César Sánchez e a neuropsicóloga Marta Torrente.
Tal como informou Avempo, os especialistas ofrecerán resposta ás persoas con esclerose múltiple e ás súas familias sobre todas aquelas dúbidas que lles xurdan. Será a partir das 17:20 horas nas instalacións de Avenida de Europa, onde está previsto que acuda o alcalde de Vigo, Abel Caballero, e a concelleira de Política Social, Yolanda Aguiar.
