Axentes da Policía Nacional da Comisaría de Vigo detiveron a un veciño da cidade como autor dun delito contra a saúde pública por vender droga dende o seu domicilio. A investigación iniciouse tras ter coñecemento da existencia dun punto negro de venda de estupefacientes na zona de Travesía de Vigo, polo que se despregou un dispositivo de vixilancia.

Así, a Policía puido comprobar que un home adicabase á venta de drogas a consumidores e intermediarios dende o seu domicilio, nas proximidades e na vía pública. Como resultado das pescudas, procedeuse á detención do sospeitoso, ao que se lle interviñeron varias doses de heroína.

Esta actuación enmárcase na chamada ‘Operación Choke‘, na que participan Policía Nacional e Policía Local de Vigo, cuxo obxectivo é a desarticulación de puntos negros de venda de drogas en diferentes lugares da cidade.