Axentes da Policía Local de Vigo tramitaron dilixencias de sanción e inmobilizaron un camión de transporte de mercadorías perigosas de Portugal, tras dar positivo en drogas o seu condutor.

Os feitos ocorreron na mañá do pasado venres, cando unha dotación do 092 que facía labores de vixilancia deu o alto a un trailer de matrícula portuguesa na rúa Viña Grande. Os axentes abriron dilixencias porque o condutor infrinxiu a normativa relativa ao transporte internacional de mercadorías perigosas. Así mesmo, o home, N.G.S.F.G., de 34 anos de idade, foi sometido a un test de drogas, e deu positivo para THC

Por iso, o camión foi inmobilizado, á espera do pago das sancións impostas e de que un condutor alternativo fixésese cargo do vehículo (camión tractor e semirremolque).