A Unidade de Cultura Científica celebrará un evento participativo de ciencia cidadá, coñecidos como bioblitz, onde se analizarán os ecosistemas dos campus de Ourense e Vigo. Estas actividades realizaranse de maneira simultánea en ambos campus o venres 12 de maio entre as dez e doce e media da mañá.
O bioblitz consisitirá na búsqueda e identificación de todas as especies posibles, nun tempo determinado, en grupos de ata cinco persoas. Trátase de converter ás e aos participantes en “exploradoras e exploradores das ricas contornas naturais nas que están localizados os campus universitarios de Ourense e Vigo”, explican dende a UCC+i.
Para participar é necesario realizar a inscrición, xa que, aínda que é de balde, hay prazas limitadas. Concretamente 25 en Ourense e 50 en Vigo. Ademais, a Unidade de Cultura Científica aconsella o uso de roupa e calzado cómodo e ao menos un dispositivo móbil con acceso a internet.
Inseridos dentro do programa Ciencia de ida e volta que se desenvolve co financiamento da FECYT, estes bioblitz terán lugar simultaneamente en Vigo e Ourense entre as 10.00 e as 12.30 horas e estarán abertos a toda a cidadanía, que deste xeito poderá coñecer e explorar os ecosistemas de ambos campus. A maiores o campus de Pontevedra ofrece o luns día 8 ás sete da tarde un relatorio titulado “Biodiversidade, moito máis ca xenes e especies” da man do catedrático Adolfo Cordero na Casa das Campás. Tamén será necesaria a inscrición.
