InicioVigo e contornaVigoMenos dun centenar de persoas arroupan a Ortega Smith nun acto de...

Menos dun centenar de persoas arroupan a Ortega Smith nun acto de Vox en Vigo

Sobre os Menores Non Acompañados (MENAS) dixo que os 'menas' (menores estranxeiros) son responsabilidade dos seus pais e dos gobernos dos seus países.

PUBLICADO O

- Advertisement -

O vicepresidente de VOX, Javier Ortega Smith, visitou este xoves a cidade de Vigo, onde presentou, xunto ao candidato á Alcaldía, Álvaro Díaz-Mella, o programa ‘España decide’ de face ás eleccións municipais do mes de maio.

No seu discurso, arroupado por un centenar de persoas, cargou contra as zonas de baixas emisións, ás que tachou de “altas recadacións” xa que, ao seu xuízo, buscan “meter a man nos petos dos cidadáns” a base de multas.

Así mesmo, criticou aos gobernos do PSOE e do PP que, ao seu xuízo, “son máis do mesmo” xa que “fan as mesmas políticas” aínda que nas campañas “tíranse os trastes” e logo “non hai nada que os distinga”. Neste sentido, indicou que “non se sabe que é mellor” se un “inimigo que o ves vir sen careta de fronte” ou “un inimigo que che crava un puñal por detrás”, referíndose ao PSOE e ao PP, respectivamente.

El dixo que “do buenismo non se vive” e, ao seu xuízo, unha apertura de fronteiras suporía dar sanidade, educación, vivenda a “toda África, Asia e o mundo”, cando España “non é capaz de darllo aos españois”. Sobre este tema, dixo que os ‘menas’ (menores estranxeiros) son responsabilidade dos seus pais e dos gobernos dos seus países. Tamén falou do problema dos desafiuzamentos e os okupas. “Non se se é politicamente correcto, pero aos okupas, 24 horas, patada no cu e expulsado”, sentenciou.

Pola súa banda, Díaz-Mella reivindicouse como a alternativa para os vigueses, mostrándose tamén en contra das zonas de baixas emisións previstas en Vigo e criticando o “circo” que se monta en Nadal e pediu que se consulte aos vigueses a súa opinión.

“Vimos levantar as alfombras, a abrir as portas e xanelas e a cambiar a forma de facer política”, reivindicou. Durante o acto, foron moitas as interaccións dos presentes, con berros vitoreando as palabras dos políticos e defendendo as súas ideas.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...