A factoría viguesa do grupo automobilístico Stellantis volverá parar parte da súa produción na noite do xoves, día 13 de abril, e durante o tres quendas do venres 14 por falta de pezas.

En concreto, segundo informou a empresa aos traballadores, será o Sistema 1, onde se producen os Citroën C-Elysée e os Peugeot 301 e 2008, o que pare durante a quenda de noite do xoves e todo o venres.

“Por causa de forza maior, a consecuencia da falta de aprovisionamentos, suspéndese a actividade do Sistema 1 na quenda de noite do xoves 13 de abril e no tres quendas do venres 14”, explica a compañía.

Esta parada únese ás innumerables ocasións que Stellantis Vigo tivo que deter a súa produción no último ano debido aos problemas de subministración que sofre de determinados compoñentes necesarios para os seus vehículos.