InicioSociedadeO Montecelo terá unha unidade de radioloxía que evitará aos pacientes oncolóxicos...

O Montecelo terá unha unidade de radioloxía que evitará aos pacientes oncolóxicos da área desprazarse a Vigo

O seu interior de distribúe en forma de labirinto para "garantir que a zona de exposición aos tratamentos radiológicos estea sempre separada e illada da zona de control médico"

PUBLICADO O

O Hospital Montecelo de Pontevedra contará cun novo servizo de radioloxía que evitará aos pacientes oncolóxicos da área sanitaria pontevedresa desprazarse a Vigo para recibir este tratamento.

O conselleiro de Sanidade, Julio García Comesaña, visitou este sábado as obras do búnker de radioterapia, que ocupa un espazo de 430 metros, segundo explica un comunicado da Administración autonómica.

Coa seguridade como “eixo fundamental”, contará con dous aceleradores lineais que supuxeron un investimento de máis de 4 millóns de euros. A construción desta instalación emprega formigón mesturado con barita, un tipo de formigón de características especiais, que confiren un 30% máis de densidade a este material construtivo.

O seu interior de distribúe en forma de labirinto para “garantir que a zona de exposición aos tratamentos radiológicos estea sempre separada e illada da zona de control médico”.

Comesaña destacou que a dotación deste novo servizo encádrase nos plans da Xunta para renovar a tecnoloxía dos hospitais, o que supuxo o ano pasado un investimento de 76 millóns de euros para adquirir 67 novos equipos.

ÚLTIMAS

Por que foi anulado o plan de urbanización do Barrio do Cura?

O xulgado do contencioso administrativo 1 de Vigo ditou sentenza pola que declara nulo...

O bus urbano alcanzan unha operatividade do 98 % en días laborables tras o fin da folga, segundo Vitrasa

O servizo de bus urbano de Vigo recupera a normalidade tras máis de 3 meses...

Retencións de varios quilómetros na AP-9 ao seu paso por Vigo tras producirse un accidente e unha picada de roda

Un accidente entre un camión e un coche e unha picada de roda doutro...

Ferida unha persoa tras ser atropelada en Vigo

Unha persoa resultou ferida na mañá deste martes tras ser atropelada por un vehículo...