InicioSociedadeO Concello subliña que a Festa da Reconquista está autorizada

O Concello subliña que a Festa da Reconquista está autorizada

Sinalan que conta cun plan de autoprotección

PUBLICADO O

O Concello de Vigo subliñou que a Festa da Reconquista que vive este fin de semana as súas datas grandes está autorizada “a efectos de celebración” e conta cun plan de autoprotección, requisito indispensable para a concesión da licenza.

Nun comunicado emitido na tarde deste venres, o goberno vigués apuntou que a Asociación Veciñal e Cultural Casco Vello de Vigo contratou a redacción dun plan de autoprotección que foi “asinado” e “visado” por un colexio.

Segundo o consistorio que encabeza Abel Caballero, persoal dos bombeiros supervisou “adecuadamente” os medios técnicos para atender continxencias “sen que se advertise incidencia algunha”.

Unha vez terminada esta inspección, o servizo de bombeiros decidiu reordenar a atención para centralizala no parque principal de Teis, “cuxos mandos ordinarios teñen concreto coñecemento do plan de autoprotección e instrucións específicas de atención ás eventuais emerxencias durante a celebración da Reconquista”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...