Os servizos de emerxencia tiveron que intervir na tarde deste martes ao rexistrarse un incendio nun piso da cidade de Vigo. Foi minutos antes das 14,50 horas cando un particular informaba de que saía fume dunha vivenda da rúa Vía Norte. Esta persoa tamén aseguraba que o inquilino se atopaba fóra do domicilio.
Por iso, o 112 Galicia deu aviso aos Bombeiros de Vigo, á Policía Local, á Policía Nacional e aos servizos sanitarios. Máis tarde, os bombeiros informaron de que tiveron que facer labores de ventilación para eliminar o fume acumulado na vivenda.
