O xulgado o Contencioso Administrativo número 1 de Pontevedra condenou ao Concello do Porriño (Pontevedra) a abonar 377.325 euros máis intereses á compañía Eulen por facturas pendentes dos anos 2018 e 2019 pola explotación da piscina municipal.
Na sentenza, facilitada polo PSOE do Porriño, o xulgado estima en parte o recurso presentado pola empresa, á que se adxudicou en maio de 2015 o contrato de explotación por un período de seis meses.
O fallo recoñece que Eulen continuou coa explotación da piscina municipal unha vez venceu o contrato a pesar de non existir unha prórroga para que “non se interrompese a prestación do servizo como consecuencia do retraso da administración en promover unha nova licitación e adxudicación do servizo”.
Por iso, reclamaba o abono das facturas entre decembro de 2018 ata outubro do ano seguinte, que suman un total de 377.325 euros que agora a xustiza recoñece o seu dereito a percibir. Contra a sentenza cabe recurso de apelación.
