InicioPolíticaRécord de visitantes no Nadal de Vigo con 5,3 millóns de turistas,...

Récord de visitantes no Nadal de Vigo con 5,3 millóns de turistas, segundo Caballero

Calcula que o retorno económico das festas superou os 1.000 millóns de euros

PUBLICADO O

O alcalde de Vigo, Abel Caballero, asegurou este martes que o Nadal olívico “bateu récord de visitantes” ao contabilizar 5,3 millóns de turistas, segundo datos medidos a través de teléfonos móbiles entre o 19 de novembro e o 15 de xaneiro.

Estas cifras, presentadas en rolda de prensa polo rexedor, recollen que máis de 5,3 millóns de visitantes chegaron á cidade nos dous meses que duraron acendidas as luces. Así, o Concello calcula que o retorno económico das festas superou os 1.000 millóns de euros, sen contar o retorno económico que produce a propia cidadanía de Vigo.

Para Caballero, estes datos son “obxectivos, firmes e incuestionables” porque son medidos por teléfonos móbiles. Tamén os cualificou de “impresionantes”, xa que duplican aos recollidos en 2019, antes da pandemia.

O 27 DE DECEMBRO CONTABILIZÁRONSE 170.306 PERSOAS

O alcalde detallou que o día de máis afluencia foi o 27 de decembro, cando se achegaron a Vigo 170.306 persoas, das cales 26.682 eran turistas internacionais; 49.834, nacionais, e case 94.000 da provincia de Pontevedra, excluíndo Vigo.

Abel Caballero asegurou que os datos non contabilizan os teléfonos das persoas que entran á cidade por motivos laborais ou por estudos e non teñen en conta aos propios veciños de Vigo.

Portugal situouse á cabeza de turistas internacionais, con máis de 140.000 persoas que chegaron a Vigo o pasado Nadal. “Portugal descubriu o Nadal de Vigo”, reivindicou o rexedor. Ao país veciño ségueno Francia, Reino Unido, Países Baixos, Estados Unidos, Alemaña, Suíza, Austria, Italia, Bélxica, Brasil, Arxentina, México, Filipinas e Perú.

“Vigo foi o destino do noroeste peninsular que recibiu máis turistas internacionais, por diante tamén de municipios que en época de Nadal están en tempada alta, como Marbella ou Santa Cruz de Tenerife”, subliñou o goberno local.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Atraso de 40 minutos na liña A Coruña-Vigo por un conato de incendio nun coche do tren

Un conato de incendio declarado entre dous coches dun tren que cobre a liña...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...