Ante a persistencia nos problemas de aprovisionamento, a dirección da factoría do grupo automobilístico Stellantis en Vigo comunicou ao persoal que a parada no seu sistema 1 prolongarase 24 horas máis. Así, a pasada semana xa se informou da suspensión de actividade neste sistema de produción, o que monta os modelos Peugeot 2008 e 301, e o Citroën C-Elyseé.

A parada comezou na quenda de noite do pasado venres, e afecta tamén os tres quendas dese sistema este luns. Inicialmente estaba prevista a continuación do traballo este martes, pero a parada prolóngase ata o mércores. Segundo informou a empresa aos traballadores, a nova previsión é retomar a actividade na quenda de mañá do mércores, ás 6,00 horas.