O alcalde de Vigo, Abel Caballero, anunciou este venres que o Concello venderá dúas parcelas municipais para a construción de 44 vivendas de protección social.

Tal como informou Caballero, estes solares atópanse situados na rúa Vázquez Varela e en Quirós e a venda dos mesmos estará condicionada a varias cláusulas administrativas para que as vivendas que se constrúan neles sexan de protección.

En total, segundo reivindicou o rexedor, elevaranse 44 pisos, e a operación xa conta coa luz verde da xerencia de Urbanismo do Concello.