O Diario Oficial de Galicia (DOG) publica este xoves a orde da Consellería de Sanidade pola que se convoca a provisión de cinco prazas para cubrir a coordinación de Enfermaría doutros tantos centros de saúde da área sanitaria de Vigo, catro deles na cidade olívica e o centro de saúde de Tui.

Segundo recóllese na orde, cubriranse polo procedemento de libre designación os postos de coordinación de Enfermaría do servizo de atención primaria dos centros de saúde vigueses de Pintor Colmeiro, Coia, López Moura e San Paio de Navia. Ao que se suma o centro de saúde de Tui.

As solicitudes para participar nesta convocatoria deben presentarse preferentemente no rexistro de entrada do Sergas de Vigo, na rúa García Barbón, ou a través dos procedementos administrativos comúns, nun prazo de 15 días hábiles.