InicioCulturaVigo homenaxeará ao protagonista do Día das Letras Galegas 2023 cun concerto...

Vigo homenaxeará ao protagonista do Día das Letras Galegas 2023 cun concerto da Real Filharmonía de Galicia

Será o 16 de maio no Teatro Afundación

PUBLICADO O

O teatro Afundación de Vigo acollerá o 16 de maio un concerto da Real Filharmonía de Galicia e o coro Rías Baixas, en homenaxe a Francisco Fernández del Riego, protagonista este 2023 do Día das Letras Galegas.

O evento foi presentado este luns pola coordinadora da área de Cultura de Afundación, María Teresa Cores; a presidenta do Consello da Cultura Galega (CCG), Rosario Álvarez; o director da Real Filharmonía de Galicia (RFG), Maximino Zumalave; e o compositor vigués Brais González Pérez.

Neste concerto estrearase a ‘Sinfonietta’, unha peza en tres movementos elaborada expresamente por Brais González a partir de textos de Salvador García Bodaño e Xaime Illa Couto. Tamén se interpretará ‘A miña burriña’, a “peza favorita” de Fernández del Riego.

A ‘Sinfonietta’ que se estreará nese concerto consta de dous movementos corais e un instrumental, vinculados a ‘don Paco’ a través da música e da propia manifestación do escritor, que recoñeceu publicamente a súa querenza pola peza ‘A miña burriña’.

A presidenta do CCG destacou “o agarimo” cara ao homenaxeado e María Teresa Cores lembrou que Afundación tamén recoñece ao escritor galeguista coa convocatoria anual dun premio de xornalismo que leva o seu nome.

Segundo explicouse na presentación deste luns, o concerto do 16 de maio vira ao redor de varias ideas: a importancia que Fernández del Riego daba á música, especialmente á popular; a homenaxe ao autor, cunha síntese dos seus gustos musicais. O programa do concerto completarase con obras como ‘Suite Vigo’ de Reveriano Soutullo, ou o ‘Concerto Grosso’ de homenaxe a Bach, escrito por Jesús Bal e Gai.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un dron non autorizado durante a carreira Vig-Bay en Baiona

A Garda Civil durante o Medio Maratón Gran Baía Vig-Bay, que se celebrou o domingo, interceptou no...