A Federación de Anpas do Val Miñor FAVALMI que agrupa a 20 ANPAS de Nigrán, Baiona e Gondomar, acordaron por maioría abandonar a xestión para o próximo curso das aulas madruga e actividades extraescolares ante a negativa das administracións públicas de asumir a responsabilidade da súa xestión.
O futuro dos comedores escolares que están xestionados polas ANPAS tamén está no aire polo mesmo motivo dado que a responsabilidade xurídica ante unha neglixencia no comedor ou nunha actividade escolar recaería no presidente ou presidenta da ANPA e sobre o seu patrimonio persoal.
As directivas das Anpas de Gondomar, Nigrán e Baiona coinciden en valorar esta decisión como “moi difícil” sendo conscientes das necesidades de conciliación das familias e da formación complementaria que necesita o alumnado. Trátase de actividades que veñen xestionando con carácter totalmente voluntario, “sen colaboración algunha dá Xunta de Galicia, e asumindo historicamente toda a respondabilidade dá súa organización e xestión”, aseguran e matizan que, o protocolo COVID dá Xunta de Galicia afonda diante dá crise sanitaria na súa política de non colaboración e o total deslexo dás medidas de conciliación dás familias.
O texto, no punto 12.1, esixe das Anpas a elaboración dun protocolo para as actividades extraescolares, pedindo ademais que se determine con claridade as responsabilidades das persoas organizadoras ou xestoras. “O Sr. Feijoo e ou Goberno Central, están a deixar o protocolo fronte ao COVID nas mans dás Asociacións de Nais e Pais que sen coñecemento algún, deben proceder a elaboración dun protocolo do que teñen que facerse responsables”, apuntan desde Favalmi.
Tras analizar o texto, a Confederación de Anpas Galegas advirte de que se desprende a responsabilidade das organizadoras diante de posibles fallos ou incumprimentos do protocolo, “ tendo o risco de ter que responder non caso de prosperar algunha demanda cos bens persoais dás persoas que presidan a asociación ( responsabilidade completamente inconcibible)”, sinalan.
Polo exposto, a asemblea de FAVALMI decide por maioría suspender as actividades extraescolares e aulas matinais mentres a Xunta de Galicia non asuma a responsabilidade que lle corresponde elaborando un protocolo específico, fornecendo aos centros dos medios necesarios e eximindo ás Anpas da respondabilidade da súa elaboración e cumprimento.
Coa finalidade de visibilizar o desacordo coa xestión da Xunta de Galicia e do Goberno Central, as Anpas da comarca, convocan a toda a comunidade educativa, o próximo día 8 de setembro, ás 19:00 horas na Ramallosa, a unha concentración apoiando tamén a FOANPAS e outras federacións da comarca levando a cabo concentracións de rexeitamento ao protocolo COVID da Xunta de Galicia para os centros de ensino.
Na reunión tamén analizaron a xestión de comedores e os reforzos de limpeza nos centros educativos, que están a ser abordados nos concellos da comarca de diferentes maneiras, uns mais previsores que outros, como no caso de Baiona que xa ten en conta un orzamento extraordinario de cen mil euros para reforzar os labores de limpeza e desinfección.
O CEP de Sabarís adianta que non continuará coa xestión do comedor se non é asumido polas autoridades públicas competentes.
“No podemos asumir la elaboración de un protocolo sin ser técnicos de prevención ni asumir la responsabilidad de seguridad de unas actividades llevadas a cabo por terceros en una pandemia.” adiantan nun comunicado.
“En el caso de un contagio en el colegio se llevará a cabo la investigación pertinente en todo el centro y en caso de que se demuestre una posible negligencia en el comedor o en una actividad extraescolar la responsabilidad jurídica recaerá sobre el responsable de dicha actividad que será la persona firmante del contrato vigente, en este caso la presidenta y dicha responsabilidad recaerá sobre su persona y su patrimonio en caso de deudas contraídas por actos dolosos ,culposos o negligentes y en caso de que este no alcance se procederá a incluir al resto de representantes de la directiva aunque nunca a los asociados.”
A directiva está traballando conxuntamente ao resto de ANPAS da comarca do Val Miñor para que o servizo de comedor sexa asumido polas administracións públicas. Unha situación desigual nos centros de ensino da comarca, onde existen concellos como Gondomar onde a xestión dos comedores é asumida por Concello e Xunta con financiación pública, fronte a outros onde a xestión é asumida íntegramente polas ANPAS e os pais/nais afrontan o pago do servizo sen ningún tipo de axuda das administracións.
