Un home faleceu este sábado en Vigo despois de sufrir unha caída mentres colocaba a iluminación do Nadal nun balcón do seu domicilio, situado na parroquia de Valadares. Ao parecer, a vítima atopábase colocando os adornos de Nadal nun balcón da vivenda, que non contaba con varanda, e precipitouse ao chan desde unha altura dun catro metros. Debido á caída, sufriu un forte golpe na cabeza que lle provocou a morte pouco despois.

Até o lugar dos feitos, que se produciron a media tarde deste sábado, desprazáronse os servizos sanitarios, así como membros da Policía Local de Vigo.