Unha persoa faleceu e outra resultou ferida tras saírse da vía e caer por un terraplén co vehículo no que viaxaban na parroquia de Hío, en Cangas do Morrazo.

Segundo trasladou o 112 Galicia, sobre as 8,20 horas deste domingo a central de emerxencias recibiu a chamada dun particular que informaba dun coche accidente e caído por un terraplén na rúa do Pello. Nesta mesma comunicación, a persoa que deu a alerta sinalaba que no interior do turismo había dúas persoas que, posiblemente, estaban atrapadas.

Con esta información, os xestores do 112 puxeron os feitos en coñecemento do Servizo de Urxencias Sanitarias de Galicia-061 e dos Bombeiros do Morrazo. Ademais, informaron os Bombeiros de Vigo, á Garda Civil de Tráfico, á Policía Local e ao Servizo Municipal de Protección Civil.

Así mesmo, o Centro Integrado de Atención ás Emerxencias de Galicia (CIAE-112) sinalou que os bombeiros tiveron que facer uso de material de excarceración para liberar os dous ocupantes do vehículo.