InicioSucesosDúas novas testemuñas declaran no caso Déborah, citadas pola familia para evidenciar...

Dúas novas testemuñas declaran no caso Déborah, citadas pola familia para evidenciar “contradicións” do exmozo

Faltan só catro días para que prescriba o caso.

PUBLICADO O

- Advertisement -

Dúas novas testemuñas declararon este martes no xulgado de instrución 2 de Tui  no marco da investigación pola desaparición e morte da moza viguesa Déborah Fernández Cervera, citados polos avogados da familia co fin de tratar de evidenciar as “contradicións” do exmozo da nova, único imputado neste procedemento.

A finalidade destas citacións era arroxar luz sobre algunhas manifestacións realizadas no xulgado por Pablo P.S-L. o pasado 11 de marzo (cando acudiu por primeira vez a comparecer como investigado ante a xuíza), referentes ao tipo de relación que mantiña coa moza no momento da súa desaparición.

O imputado defendeu a súa inocencia e negou que estivese con Déborah o día que se lle perdeu a pista, e mesmo argumentou que romperan a relación tempo atrás e non tiñan contacto. Precisamente a familia propuxo ás testemuñas que declararon este martes para tratar de rebater esas afirmacións.

Á marxe das comparecencias en Tui, a instrución xudicial segue a súa marcha, á espera de que cheguen os resultados dalgunhas probas de ADN e o informe definitivo sobre o disco duro do computador de Déborah, que elabora a empresa Lazarus (e que xa adiantou nun informe preliminar que o disco duro fora manipulado por alguén experto).

Todo iso a catro días de que prescriba o caso para calquera actuación, agás as que teñan que ver co único investigado. Isto quere dicir que a pesar dos intentos do equipo xurídico da familia de Déborah, de buscar pistas ou liñas de actuación que puidesen levar a algún cómplice ou cómplices, e agás que a xuíza teña indicios para o contrario, non se poderá imputar a ninguén máis a partir do 30 de abril.

ÚLTIMAS

Volven prender lume en Chandebrito oito anos despois da traxedia na que morreron dúas persoas

Un lume forestal que comezou onte á noite en Chandebrito (Nigrán) queimou 0,73 hectáreas...

Caballero, contra as peaxes na A-52 e A-55: “As construtoras que se dediquen a contruír”

O alcalde de Vigo, Abel Caballero, arremeteu este venres contra a proposta da patronal...

Abel Caballero tacha de “bobada” a proposta do PP para o centro de asociacións

O alcalde de Vigo, Abel Caballero, negou este venres que poña problemas á Xunta...

A praia a Calzoa, a difícil convivencia entre liberdade canina e respecto pola natureza

Celebridades como o exfutbolista Vlado Gudelj e o músico Abraham Cupeiro participan na campaña...