InicioSucesosO 112 Galicia rexistra dous accidentes sen feridos en Mondariz e O...

O 112 Galicia rexistra dous accidentes sen feridos en Mondariz e O Porriño cuxos implicados marcharon do lugar

PUBLICADO O

- Advertisement -

O 112 Galicia rexistrou dous accidentes de tráfico nos que deberon actuar as forzas da orde para localizar aos implicados, ausentes no lugar dos feitos, nos municipios pontevedreses de Mondariz, sobre as 7,00 horas deste mércores, e no Porriño, ás 20,00 horas do martes.

Segundo informou o 112 Galicia, en ambos os casos, atopáronse os vehículos accidentados, pero sen rastro das persoas implicadas. No caso de Mondariz, un viandante atopou o coche danado cos catro intermitentes postos, pero ninguén no interior nin na contorna.

Con todo, os xestores do 112 Galicia pediron a colaboración dos equipos de intervención co fin de localizar a posibles feridos que puidesen estar a necesitar atención médica ou medios de rescate.

Así, activouse un operativo composto por profesionais de Urxencias Sanitarias de Galicia-061, membros do GES-SPEIS de Ponteareas, voluntarios de Protección Civil da Mancomunidade de Oitavén-Tea e axentes da Garda Civil. Tras buscar polas proximidades, comprobaron que as persoas implicadas no accidente desapareceran do lugar dos feitos, polo que os axentes de seguridade iniciaron a investigación pertinente para dar co titular do vehículo.

Finalmente, pescudaron que os implicados eran dous mozos que tiveron o accidente sobre as 21,00 horas deste martes. Este vehículo foi localizado pola persoa particular que alertou a través do 112 Galicia nunha zona de monte situada na estrada de Ponteareas á Cañiza.

Por outra banda, no Porriño ás 20,00 horas deste martes un coche chocou contra o muro dunha casa na Rúa Ribeira. Tras o impacto, os ocupantes saíron polos seus propios medios do vehículo e abandonaron o lugar.

O 112 Galicia recibiu a información mediante o aviso dos voluntarios de Protección Civil da localidade e do mesmo dono da vivenda afectada.

Tamén neste caso, os xestores do Centro Integrado de Atención ás Emerxencias de Galicia pediron a intervención de profesionais sanitarios, Bombeiros de Baixo Miño e axentes da Policía Local, que pouco despois identificaron aos implicados.

ÚLTIMAS

Caballero insiste: “Louzán ten que dicir que Vigo é sede do Mundial 2030”

O alcalde de Vigo, Abel Caballero, insistiu este luns en que o presidente da Real Federación...

Achan na costa de Cádiz neveiras e un colector do buque que se refuxiou en Vigo tras un corremento de carga

Salvamento Marítimo coordinou durante esta fin de semana un amplo dispositivo en augas do...

OPINIÓN.- Burla verde en Samil. O greenwashing Caballero

Óscar Pazos R. Ecoloxistas de Galiza Atlántica e Verde A chamada 'Recuperación del sistema dunar...

Piden 18 anos de cárcere para dous homes que violaron e gravaron a agresión a unha nova de 18 anos en Vigo

A Fiscalía pide máis de 15 anos de cárcere para dous homes acusados de...