InicioSucesosInvestigado por condución temeraria un veciño de Tomiño cuxa infracción puido verse...

Investigado por condución temeraria un veciño de Tomiño cuxa infracción puido verse nun programa de televisión

Enfróntase á perda de 6 puntos do permiso de conducir e a unha sanción de ata 500 euros.

PUBLICADO O

- Advertisement -

A Garda Civil investiga a un veciño de Tomiño como suposto autor dunha infracción por condución temeraria, despois de que a súa actuación ao volante se puidese ver nun programa informativo emitido na Televisión de Galicia. Segundo informaron fontes do Instituto Armado, as imaxes foron emitidas o pasado 31 de xaneiro, e nelas apréciase como un turismo fai un adiantamento antirreglamentario, nunha zona de visibilidade reducida. O coche pasou a liña continua e invadiu o carril contrario, polo que circulaba unha motocicleta, que tivo que realizar unha manobra evasiva para evitar a colisión.

O GIAT do subsector de Tráfico da Garda Civil de Pontevedra iniciou as xestións para confirmar a vía e lugar concretos onde se produciron os feitos, e para tentar localizar ao condutor do turismo. Así, os axentes puideron pescudar que a infracción se cometeu na estrada PO-244, que une Ponte Caldelas e Soutomaior, no quilómetro 5,900.

O condutor do coche implicado resultou ser un veciño de Tomiño, de 30 anos de idade, que foi denunciado administrativamente por condución temeraria. Este home enfróntase á perda de 6 puntos do permiso de conducir e a unha sanción de ata 500 euros.

ÚLTIMAS

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...

As cidades deportivas do Celta son elixidas como subsedes do Mundial 2030, pero Balaídos non será unha das sedes

A Real Federación Española de Fútbol (RFEF) anunciou que o coruñés estadio Abanca Riazor será unha...

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...