InicioBaixo MiñoTuiInterceptan un veciño de Tui con haxix, cocaína e máis de 2.000...

Interceptan un veciño de Tui con haxix, cocaína e máis de 2.000 euros en efectivo

Vén de ser detido por tráfico de drogas.

PUBLICADO O

A Garda Civil detivo a un veciño de Tui de 40 anos de idade por un suposto delito contra a saúde pública por tráfico de drogas, tras serlle incautado algo máis de 2.000 euros en efectivo e distintas cantidades de estupefacentes, como haxix e cocaína, supostamente dispostas para a venda.

Segundo informou o Instituto Armado, os feitos ocorreron o pasado fin de semana no transcurso dun dispositivo de carácter preventivo que establecera a patrulla de Seguridade Cidadá do Posto da Garda Civil de Tui no cruzamento da estrada PO-350 coa EP-3003, na parroquia de Randufe.

“A actitude sospeitosa do condutor dun dos vehículos interceptados no dispositivo propiciou que os integrantes do control realizasen unha minuciosa inspección do turismo que desprendía un forte cheiro a marihuana”, indican as mesmas fontes. No rexistro superficial que se lle fixo ao condutor os axentes atoparon escondido entre as súas roupas unha pedra de haxix que pesaba 84,5 gramos e 37,2 gramos de cocaína distribuída en varias bolsas de plástico, ademais de 2.008 euros en efectivo.

Ao existir “indicios racionais” que predeterminaban a venda como o posible destino da droga, sinala a Benemérita, procedeuse á detención do condutor e único ocupante do vehículo como presunto autor dun delito contra a saúde pública, por tráfico de estupefacientes.

Unha vez instruídas as dilixencias este individuo quedou en liberdade coa obrigación de comparecer cando se citado no xulgado de Instrución de garda de Tui, onde se fixo entrega da droga e os demais efectos intervidos.

ÚLTIMAS

Abel Caballero celebrará un pleno extraordinario contra o “veto por ideoloxía” a varias relatoras nun programa da Deputación

O alcalde de Vigo, Abel Caballero, anunciou este venres que a próxima semana convocará un...

A Xunta Electoral arquiva unha denuncia do PP por declaracións de Hereu na súa visita a Redondela e Vigo

A Xunta Electoral de Galicia decretou o arquivo dunha denuncia formulada polo PPdeG en...

O Porto de Vigo pecha xaneiro como líder nacional en movemento de vehículos, con 55.801 unidades

O Porto de Vigo pechou xaneiro deste ano arrebatando o liderado en movemento de vehículos á...

O cadáver da muller achada nunha maleta presenta unha puñalada e aínda non puido ser identificada

A autopsia realizada ao cadáver da muller achada dentro dunha maleta nunha leira abandonada...