Un mariñeiro resultou ferido na madrugada deste luns no municipio de Cangas do Morrazo  tras chocar o pesqueiro no que navegaba contra unha batea.

Segundo informou o 112 Galicia, unha ambulancia desprazouse ata o Peirao de Aldán para trasladar ao mariñeiro ata o centro de saúde da localidade, tras o que foi derivado a un hospital. Persoal de Salvamento Marítimo indicou ao 112 Galicia que se tratou dunha embarcación pesqueira que, ao chocar contra unha batea, houbo un pescador ferido tras ser golpeado.

Sobre as 5,30 horas deste luns unha persoa particular solicitou unha ambulancia para o Peirao de Aldán. Segundo indicou, ían nunha embarcación que chocara contra unha batea e un dos tripulantes levara un golpe.

Con estes datos, os xestores do 112 puxeron os feitos en coñecemento do servizo de Urxencias Sanitarias de Galicia-061, do persoal do Servizo de Gardacostas de Galicia e de Salvamento Marítimo. Ademais, informouse da situación á Garda Civil.