InicioVigo e contornaO PorriñoDenunciados dous mozos de Vigo sorprendidos cando facían unha pintada nun muro...

Denunciados dous mozos de Vigo sorprendidos cando facían unha pintada nun muro das vías férreas no Porriño

Ocorreu debaixo da ponte de acceso á autovía A-55, nas Gándaras.

PUBLICADO O

A Garda Civil denunciou a dous mozos veciños de Vigo como presuntos autores dunha infracción á Lei de Seguridade Cidadá, tras ser sorprendidos cando realizaban unha pintada nun muro das vías férreas no Porriño.

Segundo informou o Instituto Armado, os mozos foron sorprendidos por unha patrulla de Seguridade Cidadá do Posto Principal da Garda Civil do Porriño o pasado venres cando realizaban unha pintada “de considerables dimensións” nun muro das vías férreas, debaixo da ponte de acceso á autovía A-55, nas Gándaras, no Porriño.

Unha vez identificados, interviñéronselles 20 botes de spray, ademais dos útiles que utilizaban e foron denunciados por infrinxir a Lei Orgánica 4/2015 sobre Protección da Seguridade Cidadá por “danos ou o deslucimento de bens mobles ou inmobles de uso ou servizo público, así como de bens mobles ou inmobles privados na vía pública, cando non constitúan infracción penal”, puntualizan as mesmas ufentes.

Os presuntos autores desta pintada son veciños de Vigo de 27 e 28 anos de idade. A Benemérita destaca que se poden enfrontar a unha sanción económica de 600 euros, ademais do pago dos gastos que xera a reposición do inmoble afectado ao seu estado orixinal.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...