Un home de 53 anos de idade faleceu este luns na localidade de Tomiño tras sufrir a picadura dun insecto, a pesar dos intentos dos servizos sanitarios por reanimalo.
Segundo informou a Europa Press o Centro de Atención de Emerxencias (CAE) 112 Galicia, foi un particular o que deu a alerta e solicitou unha ambulancia porque a unha persoa picáralle un insecto no lugar do Barro.
Así, deuse aviso do ocorrido a Urxencias Sanitarias de Galicia-061, Policía Local e Protección Civil de Tomiño, Grupo de Emerxencias Supramunicipal (GES) da Guarda e Garda Civil.
Fontes de Urxencias Sanitarias de Galicia-061 indicaron a Europa Press que os feitos ocorreron sobre as 11,15 horas deste luns. Ata o lugar trasladouse unha ambulancia de soporte vital básico, un equipo de atención primaria de Tomiño e o helicóptero sanitario.
Unha vez co home, un home de 53 anos e de iniciais J.C.E.F., os efectivos de emerxencias procederon a efectuarlle as manobras de reanimación cardiopulmonar; no entanto, finalmente tiveron que confirmar o seu falecemento.
