O tripulante dun remolcador situado ao suroeste de Vigo tivo que ser evacuado de urxencia por mor dunha posible intoxicación por inxerir unha sustancia química.

Así o informou o 112 Galicia, que relatou que o traslado foi executado polos rescatadores do Servizo de Gardacostas de Galicia a petición de Salvamento Marítimo, despois de recibir o aviso dun tripulante que inxerira unha sustancia química.

Iso comunicárono os rescatadores ao 112 Galicia sobre as 19,00 horas deste xoves cando o helicóptero ‘Pesca 1’ trasladaba ao afectado ao Aeroporto de Vigo, onde esperaba unha ambulancia de Urxencias Sanitarias de Galicia-061.

Así mesmo, por parte do Centro Integrado de Atención ás Emerxencias de Galicia informouse os axentes da Garda Civil.