A Garda Civil detivo un hóspede do hostal de Mondariz no que residía o home de 44 anos que apareceu morto na noite do venres con varias feridas de arma branca.

Así o confirman a Europa Press fontes da Benemérita, que abriu unha investigación a raíz do achado do corpo no soto do establecemento. O detido, aseguran as mesmas fontes, era veciño de habitación do falecido e xa foi trasladado á Comandancia da Garda Civil de Pontevedra.

O falecido levaba varios días desaparecido, polo que a Garda Civil emprendeu unha busca que os levou ata o hostal onde vivía. Unha vez alí, os axentes atoparon manchas de sangue tanto no exterior da porta como no interior da súa habitación.

Así, inspeccionaron a hospedaxe e as súaas inmediacións ata atopar o corpo nun soto. O cadáver presentaba varias feridas de arma branca que lle causaron a morte.