Tres persoas resultaron feridas nun accidente no que se viron implicados tres vehículos na localidade pontevedresa do Porriño, informou este domingo o 112,

O accidente ocorreu na avenida de Galicia e ao lugar desprazáronse persoal do servizo de urxencias sanitarias 061, a Policía Local e Protección Civil.

Nun dos vehículos viaxaba o condutor con dous bebés, que resultaron ilesos. Con todo, sufriron feridas dúas persoas que ían nun segundo automóbil e unha máis que ía nun terceiro coche. Foron trasladadas ao Hospital Concheiro de Vigo.