Un vehículo chocou na mañá deste mércores contra unha casa deshabitada situada na parroquia viguesa de Lavadores. Con todo, o condutor do turismo resultou ileso.

Segundo informou o CIAE 112 Galicia, sobre as 10,30 horas recibiu o aviso dun accidente no que vehículo chocara contra un inmoble deshabitado na intersección entre os camiños de Traída das Augas e Pedrosa.

O CIAE sinalou que, segundo testemuñas, o turismo circulaba a unha velocidade elevada pola zona e acabou precipitándose por un desnivel, o que culminou co impacto contra a casa.

Tras o aviso, o 112 avisou aos profesionais sanitarios e aos axentes da Garda Civil de Tráfico e da Policía Local. Ademais, informouse os bombeiros de Vigo e aos voluntarios de Protección Civil por se fose necesaria a súa colaboración.