Un operario resultou falecido na tarde deste luns tras sufrir un accidente laboral no municipio do Porriño.

Segundo informaron fontes do CIAE 112-Galicia, o suceso ocorreu pouco antes das 16.00 horas, cando un compañeiro da vítima alertou de que recibira un forte golpe mentres traballaba nunha empresa do polígono industrial de Atios.

Ata a zona desprazouse unha ambulancia do 061 que, con todo, só puido certificar a morte do traballador. No operativo interviñeron tamén efectivos da Garda Civil, a Policía local e Protección Civil da localidade.