InicioSucesosMedios de Galicia e Portugal buscan a un mozo que caeu ao...

Medios de Galicia e Portugal buscan a un mozo que caeu ao río Miño en Melgaço

PUBLICADO O

A Axencia Galega de Emerxencias ( Axega) puxo en marcha o protocolo de cooperación transfronteiriza ARIEM 112 por mor dun mozo que caeu este martes ao Río Miño na localidade portuguesa de Melgaço.

Despois de varias horas na súa procura, os equipos de seguridade e rescate de ambas as marxes do Río Miño volverán este mércores á zona para continuar cos rastreos.

Pasadas as 19,30 horas deste martes o 112 Galicia recibiu a chamada de alerta dun compañeiro da vítima que pedía axuda para localizar a un mozo desaparecido no río, na beira de Remoães, en Melgaço.

Segundo puideron pescudar os axentes da Garda Nacional Republicana de Portugal, todo parece indicar que o mozo escorregou e caeu á auga. Durante un tempo, as persoas que estaban con el tíñano á vista, pero a corrente do río arrastrouno ata que lle perderon o rastro.

Coa chegada da noite e a perda de visibilidade, os equipos de rescate suspenderon a busca ata a mañá deste mércores cando estaba previsto que se renovasen estes traballos, para os que os medios portugueses contarán coa colaboración do persoal da Comandancia Naval de Tui (Pontevedra).

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...