Dúas persoas, unha muller e un menor, resultaron intoxicadas polo monóxido de carbono procedente dunha mala combustión dun quentador nunha casa no municipio de Tui (Pontevedra).

Segundo informou o 112, os feitos sucederon na rúa Colón, sobre as 23,30 horas deste martes e persoal de Urxencias Sanitarias de Galicia-061 alertou do sucedido.

Por iso, o 112 Galicia puxo a situación en coñecemento dos Bombeiros do Baixo Miño, da Garda Civil, da Agrupación de Voluntarios de Protección Civil e da empresa subministradora do gas

Ao lugar o 061 desprazou unha ambulancia de soporte vital avanzado, que trasladou á muller M.J.B.R., de 54 anos, e outra de soporte vital básico co equipo sanitario da PAC de Tui que levou ao menor. Ambos foron evacuados ao Hospital Álvaro Cunqueiro de Vigo.