O xulgado de instrución número 2 do Porriño decretou o ingreso en prisión dun home que foi detido como presunto autor do asalto a unha vivenda, na que se atopaba unha anciá, cometido no municipio de Salceda de Caselas.

Segundo confirmaron fontes do Tribunal Superior de Xustiza de Galicia (TSXG), a xuíza ordenou o ingreso en prisión comunicada e sen fianza, e investígaselle por un delito de roubo con violencia e intimidación en casa habitada.

O home foi detido pola Garda Civil este martes no Porriño, e atribúeselle un asalto a punta de coitelo, hai unhas semanas, nunha vivenda de Salceda de Caselas. No domicilio atopábase unha muller octoxenaria, á que o sospeitoso atacou, causándolle cortes no pescozo, así como golpes na cabeza.