A defensa de César A.O., acusado o crime da nova enxeñeira Ana Enjamio, cuestionou a credibilidade das testemuñas e peritos que compareceron no xuízo celebrado na sección quinta da Audiencia Provincial de Pontevedra, en Vigo, e lembrou o caso do asasinato de Rocío Wanninkhoff, e o encarceramento dunha muller que resultou ser inocente.

Así o trasladou o avogado de César A.O. na presentación do seu informe final ante o tribunal de xurado, e lamentou que o seu cliente, que renunciou ao seu dereito a pronunciar a última palabra na vista, foi xa o “sospeitoso número 1 desde o principio” e toda a investigación dirixiuse a incriminalo.

Segundo incidiu, o acusado sempre reivindicou a súa inocencia, e non puido acosar nin matar a Ana Enjamio porque mantiña unha relación con ela. De feito, incidiu en que “viviron unha auténtica paixón”, cunha “atracción física irresistible”.

Pola súa banda, a letrada da Xunta, que exerce a acusación popular, tamén sinalou a culpabilidade do acusado e recalcou que “non había nada de normal” na súa relación coa vítima. “Di que non puido matar a muller da súa vida, pero é que a violencia de xénero é iso. Hai amores que matan”, recalcou e afirmou que “non hai outra explicación” que a violencia machista para este crime.