InicioSucesosInterceptados en Vigo dous taxistas que circulaban baixo os efectos de alcol...

Interceptados en Vigo dous taxistas que circulaban baixo os efectos de alcol e drogas

PUBLICADO O

Axentes da Policía Local de Vigo interceptaron este fin de semana a dous taxistas que circulaban baixo os efectos das drogas, nun caso, e do alcol, no outro.

Segundo informaron fontes policiais, na noite do sábado, axentes do 092 realizaron unha proba de alcoholemia a un taxista que circulaba pola rúa Cantabria. O chofer deu positivo, superando o mínimo penal, de modo que se instruíron dilixencias por un presunto delito contra a seguridade viaria.

Por outra banda, na mañá do domingo, unha dotación que patrullaba pola rúa Ramón Neto sorprendeu a un taxista cometendo unha infracción de tráfico. Cando interceptaron o vehículo, decatáronse de que o condutor presentaba síntomas de atoparse baixo os efectos das drogas, e fixéronlle un test, que arroxou resultado positivo para cocaína e anfetaminas.

Tan só uns días antes, a Policía Local denunciara a outro taxista que, cunha clienta a bordo, circulara a velocidade excesiva, manipulando o móbil e cometendo diversas infraccións. A muller que ía no taxi gravou o ocorrido e permitiu a localización do condutor. Cando a Policía o someteu aos correspondentes tests, estes deron resultado positivo en alcoholemia e drogas (cocaína e cannabis).

ÚLTIMAS

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

Detido por exhibicionismo un home que se facía tocamentos e se masturbaba na praia viguesa de Samil

Axentes da Policía Local de Vigo detiveron a un home de 42 anos de idade, A.D.,...

Deteñen en Vigo a un mozo de 18 anos por unha suposta agresión sexual e intervéñenlle unha pistola simulada

Axentes da Policía Local de Vigo detiveron este domingo a un mozo de 18 anos...

Decaltado incendio na fábrica de casas de madeira 5Jotas en Candeán

Solicitouse asistencia sanitaria para unha persoa debido a unha crise de ansiedade, mentres que...