InicioVal MiñorBaionaInvestigadas tres persoas polo roubo dun patín eléctrico en Baiona e dous...

Investigadas tres persoas polo roubo dun patín eléctrico en Baiona e dous furtos en Gondomar

A Garda Civil recuperou na súa vivenda dúas cadeiras de montar dacabalo co seu equipamento e ferramentas subtraídas en domicilios

PUBLICADO O

A Garda Civil investiga penalmente a tres veciños de Gondomar (Pontevedra) como presuntos autores do roubo dun patín eléctrico en Baiona e outros dous furtos no municipio de Gondomar.

Segundo informou o Instituto Armado, as investigacións iniciáronse a finais do pasado mes de marzo cando unha patrulla de seguridade cidadá do Posto de Gondomar “sospeita dunha manobra efectuada na parroquia de Vincios por unha persoa que circulaba cun patín eléctrico e deu a volta ao decatarse da presenza da Garda Civil”.

Momentos despois localízase novamente o patín cando o estaban introducindo no maleteiro dun coche e procédese a identificar o condutor do vehículo, unha muller que o acompañaba e o piloto do patín, todos eles veciños de Gondomar, relataron as mesmas fontes.

Poucos días despois, a estas tres persoas notificóuselles a súa condición de investigados como presuntos autores dun delito de roubo ao ter coñecemento de que o patín fora subtraído cando estaba estacionado nunha céntrica rúa da localidade de Baiona.

OBXECTOS SUBTRAÍDOS

Cando a Garda Civil foi ao domicilio destas persoas, onde se recuperou o patín para restituírllo ao seu propietario, atopáronse outros obxectos procedentes de varios furtos, indicou a Benemérita.

Desta forma, puidéronse recuperar tamén dúas cadeiras de montar dacabalo co seu correspondente equipamento, que foran subtraídas o pasado mes de marzo no anexo dun domicilio en Gondomar. Tamén se recuperaron outras ferramentas, entre elas unha trade e unha lixadora, que foran subtraídas o mes pasado noutro domicilio do mesmo municipio.

As dilixencias instruídas entregáronse no Xulgado de Instrución número 5 de Vigo, onde deberán comparecer os investigados cando sexan requiridos.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...