InicioSucesosGolpe de efecto contra a rede de tráfico de drogas en Vigo

Golpe de efecto contra a rede de tráfico de drogas en Vigo

Coa detención do líder dunha banda e mais da súa persoa de confianza, considérase que a organización queda desarticulada. Dedicábanse a distribuír heroína e cocaína, principalmente.

PUBLICADO O

A Policía Nacional desarticulou na cidade de Vigo unha organización dedicada ao tráfico de heroína e cocaína no marco dun operativo no que foron detidas dúas persoas –o líder da banda e a súa persoa de confianza-.

Segundo informou a Policía Nacional, ademais da detención dun home e unha muller incautouse unha “importante cantidade” de heroína, cocaína e outros efectos.

Tras solicitar diversas informacións sobre o tráfico de sustancias estupefacientes en Vigo-Redondela, os axentes comprobaron que se trataba dunha organización dedicada principalmente ao tráfico de heroína e cocaína. Ademais, lograron identificar ao responsable da organización e á súa persoa de confianza, así como as vivendas que utilizaban para ocultar a droga e preparala para a súa posterior distribución.

Conforme avanzaba a investigación, os axentes descubriron que dita organización tentaba estender a súa área de influencia a outros puntos da xeografía. Así, realizáronse controis na contorna e vixilancias discretas, para coordinar a detención conxunta dos dous máximos responsables cando procedesen a trasladar a droga para a súa elaboración e posterior distribución. Deste xeito, a última hora da mañá axentes interceptaron na rúa a ambas persoas e procederon á súa detención. Os policías interviñeron máis de 60 gramos de cocaína, 15 de heroína e outros efectos.

ANTECEDENTES

En comisaría procedeuse a tomar declaración aos detidos e a realizar unha consulta das bases de datos na que se comprobou que ambos contaban con antecedentes policiais anteriores, varios deles por feitos similares. A Policía explicou que os arrestados forman parte dun clan no que “varios membros se atopan cumprindo penas de prisión por unha operación anterior”. Ademais, concretou que a droga se distribuía para a súa venda desde varias vivendas do Casco Vello de Vigo ou a través de pequenos vendedores por diversos puntos do centro da cidade

A investigación foi levada a cabo por axentes do Grupo de UDEV-Drogas, dependentes da Brigada de Policía Xudicial da Comisaría de Policía de Vigo-Redondela. Os detidos e todo o actuado foi posto a disposición do xulgado de Instrución de garda de Vigo. Por parte da Policía Nacional agradécese a “colaboración anónima de todos aqueles cidadáns que un alarde de civismo e espírito social facilitan diariamente” o seu traballo “a través das súas achegas e informacións”, destaca.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...