Unha adolescente de 13 anos idade resultou ferida grave na mañá deste mércores ao ser atropelada por un turismo cando cruzaba unha rúa na parroquia de Forcadela, en Tomiño (Pontevedra).

Segundo informaron a Europa Press fontes policiais, o suceso tivo lugar ás 8,45 horas, cando a menor cruzaba a PO-552 para dirixirse á parada do autobús escolar, nunha zona na que non hai paso de peóns.

Nese momento, as mesmas fontes explicaron que foi alcanzada por un turismo, cuxas ocupantes, unha nai e a súa filla de dous anos, resultaron ilesas.

A menor foi trasladada nunha ambulancia asistencial ao Hospital Álvaro Cunqueiro (HAC) cunha fractura de pelvis.