O corpo sen vida dunha persoa foi localizado este domingo na parroquia de Santo Estevo de Negros, no concello de Redondela. O achado produciuse xunto ao rego da Preira, segundo informou o 112 Galicia. O aviso foi dado por un particular arredor das 13.35 horas, despois de atopar o cadáver e alertar aos servizos de emerxencias. Ata o lugar desprazáronse efectivos do 061, así como axentes da Policía Nacional e da Policía Local.
Unha vez no punto, os servizos mobilizados confirmaron o falecemento da persoa. Polo momento, non transcenderon datos sobre a súa identidade nin sobre as posibles causas da morte. As forzas e corpos de seguridade investigan agora as circunstancias do falecemento para esclarecer o sucedido, sen que polo de agora se facilitase máis información oficial.
