Os servizos de emerxencia tiveron que acudir na mañá deste mércores a un edificio da rúa Urzaiz de Vigo despois do aviso polo posible falecemento dunha anciá. Fontes da Policía Local e dos Bombeiros da cidade olívica confirmaron a Europa Press que se desprazaron ao momento, tendo que entrar os profesionais ao domicilio, onde acharon o corpo da octoxenaria sen vida.

As mesmas fontes explicaron que todo apunta a que se trata dunha morte natural, aínda que é a Policía Nacional a que se fixo cargo do caso. Veciños da zona indicaron a Europa Press que os bombeiros accederon por unha das xanelas do inmoble e, cando a abriron, comezou a saír un forte cheiro da vivenda, debido a que facía varios días que non vían á muller.