Tres persoas tiveron que ser evacuadas ao hospital por intoxicación de fume tras incendiarse unha vivenda en Vigo este luns. Foi preciso ventilar a vivenda e o edificio.

Segundo informou o 112, Galicia tivo constancia do incendio ao redor das 7.40 horas, momento no que chegou o primeiro aviso por parte dun particular, que indicaba que ardía unha habitación dun piso situado na rúa de García Olloqui.

O servizo solicitou a intervención dos Bombeiros de Vigo e da Policía Local. Os axentes da Policía empregaron extintores para controlar o lume, que sería sufocado posteriormente pola dotación de bombeiros, que indicou que finalmente ardera un colchón. No operativo participaron tamén o Servizo de Urxencias Sanitarias de Galicia-061, xa que tres persoas necesitaron ser trasladadas por posible intoxicación de fume.